مصطلحات عربية الله أعلم فيها

مصطلحات عربية الله أعلم فيها ::
-----------------------------------

(الله يستر عليها)
تقال بعد نهاية كل قصة تم فيها نشر غسيل جميع بنات الحارة وصديقات بنات الحارة
...
(بدك الصحيح والا ابن عمه)
مقدمة لكذبة من الحجم العائلي

(شو بدك بطول السيرة)
جملة محشورة داخل قصة يزيد عدد كلماتها عن 100000000 كلمة

(وماشفنالك إلا ..)
يعني موسيقى تصويرية قوتها 7.9 على مقياس ريختر لقصة سخيفة

(وما كذبت خبر )
عبارة لنفش العضلات وبداية لكذبة ورسم بطولات ما حصلت إلا بالخيال

(انت لسا ما بتعرفني)
تقال عندما يشعر المتكلم انه تبهدل وانمسحت بكرامته الارض

(إشتهيناك تكون معنا)
تقال لحرق أعصاب المستمع واذلال شعوره

(لا تواخذني بهالكلمة)
مصطلح يهيؤك نفسيا لسماع مسبّة ولكن بطريقة مؤدبة

(أنا والله مو فارقة معي)
تدل على اهتمام المتكلم حتى الموت بالموضوع

(سيدي ما علينا)
نهاية الحديث البايخ الذي كان يتكلم فيه على غيره بما لا يخصه

(لا يروح فكرك لبعيد)
يعني طنّش عن كل البلاوي اللي خبرتك عليها..